أسرتنا_الجميلة💕💕
كلنا بنشتكى من تمسك ابناءنا بالهواتف 📱 وتعبنا من كثر الكلام … ولا حياااااااااة لمن تنادى طب وبعدين ❓❓ شوفى يا ست الكل …♥ أولا وثانيا وثالثا …. حضرتك والأب قدوة ✔ ودى حاجه مهمه ولازم ناخذ بالنا منها.👌 يعنى عايزة أولادك يسمعوا الكلام ويقللوا من الهاتف📱 يبقى احنا لازم نعمل ده الأول ونكون احنا اول من يترك الهاتف من ايدينا👍 لان الابناء بيتعلموا بالقدوة والفعل اكثر من الكلام 👉 مش عايزين نقول العيال محدش قادر عليهم ✖ خلينا نتفق ان ربنا خلقنا كوالدين لابناء فى هذا الزمن بكل الامكانيات والقدرات المناسبه لتربيه هذا الجيل …. ✔ والموضوع كله باختصار يحتاج: إلى اننا ندرب ونتعلم ايه هى الادوات اللى تساعدنا على التعامل مع ابناءنا فى الوقت ده وفى الزمن ده ✅ وحاجه مهمه كمان محتاجين علاقة حب بينا وبينهم حب مبنى على التواصل والتفاهم والمناقشه والحوار والإنصااااااااااااات👂😍 هما محتاجين كل هذه الأمور جدا جدا 👌 وخدى بالك يا ست الكل مش عايزين نستسهل ونريح دماغنا ونقول مش مهم اهو التليفون بيلهيهم ومش بنسمع دوشتهم وزنهم✖ لكن خليكى أم جدعه وركزى مع أولادك وابدأى فورا فى الحلول العمليه وكل ما بدأتى بادرى وهما صغيرين كل ما ارتحتى فى المرحله الأكبر .👍 يلا بسرعه عايزين نحل 💪 وأول الحل هو الحب … ثم الحب…ثم الحب.💕 بس خدى بالك عايزين الحب بالكلام والفعل مع بعض يعنى نعمل ايه❓❓ هنقضى وقت جميل وممتع وظريف ولطيف وخفيف مع الابناء كل يوم ونظبط أيامنا على كده ونعود الابناء على جلوسنا معاهم😘 وخدى بالك الوقت الجميل ده مش عايزين فيه نصائح ولا مواعظ ولا تنبيهات ولا تحذيرات ولكن هو وقت للضحك واللعب والاستمتاع بأولادنا ومع أولادنا💕 مش مهم الوقت ده يكون طويل … لكن حتى لو كان وقت قصير لكن مستمر فأنتى كده بتعملى عمليه بناء حقيقية على المدى الطويل…✔ وعايزين كمان ناخد بالنا من حاجه مهمه👌 اننا نقلل من وقت الهواتف ده شئ مش سهل وهياخد مننا وقت أكيد بس كمان مش مستحيل انه يحصل ان شاء الله💪 طالما فى أم جميله زيك حريصه على ابناءها وعندها روح جميله وتمتلك القلب الواسع وكلماتها لابناءها كلمات حلوه وعذبه وكلامها لطيف وممتع. يبقى أكيد مش مستحيل.👌 يلا نشد حيلنا ونجعل رمضان بدايه لعلاقة أفضل مع ابناءنا.💪 #مع_تحياتى #بقلم_أميرة_عبداللاه🌹🌹
0 ردود

اترك رداً

تريد المشاركة في هذا النقاش
شارك إن أردت
Feel free to contribute!

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *